رواية انتــ..ــقام زوجة كامله

.. قومت مركزة معاها ..قالتي بصي يا ستي انتي اول حاجه .. أنتي لازم تطفشي أدهم من نيرة .. لازم تخليه يكرها هوا وحماتك .. قولتلها ازاي ؟؟.. قالتلي أول حاجه تجيبي حبوب منع حمل تحطيها في الاكل بتاعها باي طريقه .. وتحطي لادهم حبوب منومه

قولتلها ماشي بس هعرف اعمل كده .. قالتلي لا يا زكية .. انتي هتعملي الغلبانه وتطلبي انك انتي اللي تعملي الاكل وتطبخي لان دا بيتك وهي ما هتصدق طبعا وفي طبقها حطي اللي بقولك عليه ده ..

تاني حاجه خوفيها .. هاتيلها اي حاجه ميتة وحطيها تحت السـ..ـرير بتاعهم … هاتي ورقه اكتبي عليها حروف وحطيها في دولابها وهي هتشوفها ..هتحس بخوف وبعدها انكري اي حاجه

وبعدها استني بيوم ولا اتنين تخش الحمام مثلا وتشيلي الملايها .. وتحطي بودرة وترجعي الملاية تاني هتهرش هي وادهم طول الليل غير الريحة اللي في الاوـ..ـضه .. اللي هتطلع من تحت السـ..ـرير

بصي جنينيها هتشتكي لحماتك ولادهم وانتي ساعتها اعملي الست الطيبة .. وخليه يرتاح من صداعها ويرتاح معاكي انتي اوعي ثم اوعي تجيبي سيرة انه اتجوز ليه وتنكدي عليه بصي انتي قلبك ميـ..ـت

هوا واحده واحده هيفكر .. انه غلط فيكي وظلمك وهتلاقيه جايلك يترجاكي

بصراحه انا اقتنعت بكلام صحبتي ولما صحبتي مشيت والاكل اللي حماتي جابته خلص قولتلهم انا اللي هطبخ عشان انا ست البيت ومش بحب اكل غير من ايدي .. قالتلي موافقه وادهم قالي موافق طبعا

وبصو لبعض وضحكوا .. وانا عملت مش واخده بالي ال يعني كده بخدمهم بس لسه الذل جاي

يوم ورى التاني ورابع يوم حطيتلها حبوب منع حمل في طبقها كذا يوم ورى بعض وبعدها استنيت ادهم يروح الشغل وهي تدخل الحمام

و كنت جايبه حاجات من عند بتاع الفراخ من الصبح ومخبيها في كيس في المطبخ بدون ذكر ايه بس ريحتها فظيعه .. قومت فاتحه الكيس ورمياه تحت تحت الموكيت اللي تحت سريرهم بعد ما فتحت فيه قطع محدش هياخد باله منه

طبعا هي ما دخلتش اوضـ..ـتها من ساعتها قاعده تتكلم في الصاله مع صحابتها عشان تسمعني وتغيظني انهم بيباركولها ومسميني الزوبع كسيم بينهم ال يعني كده ماخدتش بالي

بس ماشي يابنت المستخبي انا هوريكي الزوبع هيعمل فيكي ايه

طبعا ادهم رجع بليل .. لقى ريحة الاوـ..ـضه زفت .. طلع وقعد يزعقلها هي ما صدقتش انه بيزعقلها لانها مش عارفه ان ادهم عصبي .. بعدها قام داخل عندي الاـ..ـوضه كانت على سنجه عشرة

فضلت تتشقلب في الاوـ..ـضه مش عارفه الريحة جايه منين الاوضه مقفوله من العصر ومكتومه وهي ولا هنا

طبعا بعدها اتعشينا وحطيت في طبقها الحباية الجميلة

ادهم رجع الاوضه عندي وكان مكسوف مني فنام على الارض قولتله انت بتعمل ايه ؟؟

قالي عشان انتي زعلانه قولتله ماقدرش ازعل منك لو عايزني انا اطلع انام بره مافيش مشكل